Sog'lom oila - sog'lom kelajak

Tug‘ruqdan keyin belim tez-tez og‘riyapti, nima qilay?

Tug‘ruqxonadan chiqqanimga uch hafta bo‘layapti. Belimdagi og‘riq tez-tez bezovta qilayotganidan tashvishdaman. Ba’zan siydik ajralishida achishish ham seziladi. Avvalroq piyelonefrit bilan og‘rib, davolangan edim. Qanday tavsiya berasizlar?

piyelonefrit

Muyassar NAZIROVA, akusher-ginekolog:

Yangi tuqqan ayol organizmida immunitet susayishi ko‘p uchraydigan hodisa. Eng yomoni, bunday paytda surunkali kasalliklar qo‘zg‘alishi uchun qulay imkoniyat yuzaga keladi. Agar sizda avvaldan piyelonefrit kasalligi bor bo‘lib, to‘liq davolanmagan bo‘lsangiz, tug‘ruqdan so‘ng organizmning bo‘shashganligi hisobidan xastalik qayta xuruj qilayotgan bo‘lishi mumkin. Piyelonefrit — buyrak va buyrak jomi yallig‘lanishi kasalligida tana haroratining ko‘tarilishi, qo‘l va oyoqlarda uvishish va belda og‘riq turishi bilan kuzatiladi. Yallig‘lanish qaysi tarafda ko‘proq bo‘lsa, o‘sha tomon nisbatan qattiqroq og‘riydi.

Tavsiya: ko‘pincha, yangi tuqqan ayollar surunkali kasalliklar xuruj qilishi mumkinligini unutib, og‘riqsizlantiruvchi muolajalar bilangina kifoyalanishadi. Bu esa kasallikni davolamay, biroz tinchlantiradi, xolos. Beldagi og‘riq tezlashsa va zo‘raysa, shifokor bilan maslahatlashgan holda tahlil namunalarini topshirib, zarur muolajalarni oling.

O‘qishga tavsiya etamiz: Tug‘ruqdan keyin oyoq-qo‘llar shishishi buyrak faoliyati buzilishidanmi?

O‘QING:  Tuxumdon faoliyati buzilishi

Hayz siklingizni nazorat qilishni istaysizmi? Homiladorlik uchun unumdor kunlarni bilib, homiladorlikni rejalashtirishni istaysizmi? Unda “Lalu — ayollar kundaligi” mobil ilovasini bepul yuklab oling!

Ilova sizga hayz siklingiz xarakterini tushunib, uni kuzatib borishingizda, ovulyatsiya kunini aniqlashda, homiladorlikni rejalashtirishingizda yordam beradi.
Bundan tashqari, ilova orqali hayz oldi sindromi haqida bildirishnoma olish, sikl buzilishi, fertil kunlar kabi holatlarni prognozlash va kuzatib borish, ginekologiya sohasiga oid maʼlumotlar olish imkoniyati mavjud. Quyidagi link orqali o'tib, Play Marketdan yuklab oling.

Lalu - Hayz kalendari. Ovulyatsiya kunini aniqlash

 

Ginekologiya » Tug‘ruqdan keyin belim tez-tez og‘riyapti, nima qilay?