Jinsiy aloqa vaqtida – ogʻriq, achishish, qichishish va qon ketishi sabablari

Jinsiy aloqa vaqtida noxushliklar, ayniqsa, ogʻriq koʻp urologik kasalliklarda kuzatiladi. Jinsiy aloqada ogʻriq turlicha namoyon boʻlishi mumkin va ogʻriq turli joylarda kuzatilish ham mumkin. Ogʻriq qorin pastida, oraliq yoki tanosil aʼzolari sohasida, chov sohasida boʻlishi mumkin.

Jinsiy aloqa vaqtida ogʻriq boʻlishining eng asosiy sabablari quyida keltirib oʻtamiz.

jinsiy aloqada og'riqlar

Erkaklarda jinsiy aloqa vaqtida ogʻriq

Uretrit

Siydik yoʻli shamollashi uretritda jinsiy aloqada ogʻriq yagona belgi emas. Qoʻshimcha belgilar:

  • Tez-tez siyish;
  • Siydik yoʻlidan ajralma kelishi;
  • Koʻp hollarda siydik yoʻlidan surtma olinganda koʻplab bakteriya va leykotsit topiladi.

Tanosil gerpesi

Bu holatda jinsiy aloqa vaqtidagi ogʻriq tanosil aʼzolarida oʻziga xos xarakterli oʻzgarishlar sabab paydo boʻladi. Olat terisida keyinchalik esa shilliq qavatlarida koʻplab mayda pufakchalar paydo boʻladi. Pufakchalar vaqt oʻtib oʻzaro qoʻshilib ketishi ham mumkin. Keyin pufakchalar yoriladi. Shu vaqtda sezuvchan eroziyalar paydo boʻladi.

Olat uzdechkasining kaltaligi

Agar olat uzdechkasi kalta boʻlsa jinsiy aloqa paytida tortishish va olat uzdechkasi sohasida ogʻriq xissi boʻladi. Baʼzi hollarda uzdechka uzilib, yirtilib ketishi mumkin. Bunda uzdechka kaltaligi yoki yirtilganligi koʻrinib turadi

Prostatit va vezikulit

Jinsiy aloqada ogʻriq prostatit va vezikulit uchun uncha xos emas. Lekin boʻlib turadi.

Odatda ogʻriq intensivligi jinsiy aloqa va eyakulyatsiyadan keyin kuchayadi. Jinsiy aloqada ogʻriqqa qoʻshimcha bu holatda yana qorin pastki qismida, chov sohasi va oraliqda ogʻriq boʻladi.

Interstitsial sistit

Interstitsial sistit fonida jinsiy aloqa paytida ogʻriq boʻlishi asosan ayollarda kuzatiladi. Qovuq siydik bilan qancha toʻla boʻlsa, jinsiy aloqa vaqtidagi ogʻriq shuncha kuchli boʻladi. Bundan tashqari bemorda tez-tez siyish ham kuzatiladi.

Jinsiy aloqa vaqtida achishish

Ayollarda jinsiy aloqa vaqtida ogʻriq

Ayollarda ham jinsiy aloqa vaqtida ogʻriqlar koʻp kuzatiladi. Ogʻriqlardan tashqari, ayollarni jinsiy aʼzolar qichishishi, achishishi, diskomfort, qovuqning tez toʻlib qolishi, ajralmalarning koʻp ajralishi kabi noxush holatlar jinsiy aloqa vaqtida bezovta qiladi. Quyida ushbu holatlar sababchilari hamda ularni bartaraf etish choralari haqida qisqacha toʻxtalib oʻtamiz.

Qorinning pastida keskin ogʻriq

Juftingiz bilan yaqinlikka kirishgan zahotingiz qovuqda ogʻriq qoʻzgʻalib, bezovtalik qorinning pastki sohasiga tarqaladi. Yaqinlikdan keyin ham ogʻriq kuchi sezilib turadi. Bu kabi holatga ayollar jinsiy aʼzolaridagi yalligʻlanish, siydik yoʻli va buyrakdagi shamollashlar sabab boʻlishi mumkin. Qorinning pastida keskin ogʻriq kuzatilsa, ginekolog koʻrigidan oʻtib, jinsiy aʼzo UTTsi, zarur tahlillar oʻtkazilishi, soʻng yalligʻlanishga qarshi muolaja bajarilishi lozim. Bu vaqtda jinsiy yaqinlikka kirishish tavsiya etilmaydi.

Jinsiy aloqa vaqtida qichishish va achishish

Teringiz taʼsirchan emas, ammo yaqinlik vaqti jinsiy aʼzoda qichishish paydo boʻladi. Bezovtalik achishish hissi bilan davom etadi. Yaqinlikdan keyin ham qinda terini kuydirayotgandek bezovtalik kuzatiladi. Bu kabi noxush holatning sababchisi ayollar jinsiy aʼzosi zamburugʻli kasalliklari boʻlishi mumkin.

Agar bezovtaliklar sababi zamburugʻlar deb topilsa, shifokor koʻrsatmasi bilan zamburugʻga qarshi dori preparatlari qabul qilinadi. Uni keltirib chiqargan omil aniqlanib, davolanadi. Xastalik qaytalamasligi uchun er-xotin birgalikda muolajalar olishi muhim sanaladi.

Jinsiy aloqa paytida qonli ajralma kelishi

Jinsiy yaqinlikdan soʻng qindan qonli yoki toʻq jigarrang ajralma keladi. Bunga sabab sifatida bachadon ichki vositasi – spiraldan foydalanadigan ayollarda, bachadon boʻyni eroziyasi yoki servikal kanal yalligʻlanishi kabi kasalliklar koʻrsatiladi. Shuningdek, bachadonda turli oʻsmalar boʻlganida ham yaqinlikdan soʻng qonli ajralma kelishi mumkin.

Jinsiy aloqada diskomfort

Nozik munosabatlar sovuqlashib, yaqinlik vaqti oʻzingizni noqulay sezasiz. Aloqaga kirishish qiyin va ogʻriqli boʻladi. Jinsiy aloqa vaqtida kuzatiladigan bu kabi diskomfortning sababchisi oʻlaroq qin shilliq qavatining qurishi koʻriladi. Bu holat asosan yoshi katta ayollarda kuzatiladi. Yoshlarda esa yalligʻlanish kasalliklarining asorati sanaladi. Shilliq qavatning kerakli darajada namlanmasligi, aloqaga kirishishni murakkablashtiradi. Agar qin shilliq qavatining quruqlashishi aniqlansa, shifokor koʻrsatmasi bilan maxsus shamchalar va surtmalardan foydalanish mumkin. Muolaja tugagunicha jinsiy aloqa man etiladi.

Chov sohasida  ogʻriq

Jinsiy aloqa vaqti qinda paydo boʻlgan ogʻriq, asta-sekinlik bilan tos suyagiga uzatiladi. Gavdani koʻtarganda ogʻriq belga ham taʼsir qilishi mumkin. Qizigʻi, bu holat faqat yaqinlik payti sodir boʻladi.

Jinsiy aloqa vaqtida kuzatiladigan bu singari ogʻriqlar ogʻir jismoniy mehnat turi bilan shugʻullanadiganlar, tugʻruq vaqti bel sohasiga yuborilgan ogʻriqsizlantiruvchi preparat asorati, umurtqa churrasi, osteoxondroz hamda nevrologik xastaliklar sababli yuzaga kelishi mumkin. Ogʻriqlarni bartaraf etishda shifokor koʻrigidan soʻng aniqlangan muammoga koʻra zarur muolaja belgilanadi. Yaqinlik vaqtidagi ogʻriq muntazam takrorlansa, albatta mutaxassisga murojaat eting.

Yolgʻon chaqiriqlar

Yaqinlik vaqtida ayol qovugʻi toʻlib borayotganini, hattoki bundan avval hojatga borgan boʻlsa ham sezadi. Qinda tushunarsiz ogʻriq, peshob ajratishi hissining kuchayishi ham kuzatiladi. Yolgʻon chaqiriqlar siydik yoʻllari infeksiyasi, sistit kabi patologik holatlardan darak boʻlishi mumkin. Bu kabi bezovtalik kuzatilayotgan ayollarga, ginekolog konsultatsiyasini olish, UTT, peshob tahlili, infeksiyani aniqlash maqsadida siydik namunasini ekish usullari tavsiya etiladi. Yalligʻlanishga qarshi muolaja toʻliq bajarilgachgina jinsiy yaqinlikka kirishish mumkin.

Abdulhayev Fayzullo, urolog-androlog.
Nilufar Boʻstonova, ginekolog.

Ushbu mavzu yuzasidan savollaringiz bormi? Unda savollaringizni quyida "Fikr bildirish" qismi orqali yozib qoldiring. Dolzarb va muhim savollarga shifokor ekspertlarimiz javob berishadi.

9 comments
  1. Assalomu alaykum man turmushga chiqqanman turmush urtogim bilan jinsiy aloqa qilganimdan shun qornimni pastroq qismida ogriq jinsiy lablarda shish payto bulishi qichishish bor nima qisam buladi xujaynim bir uzimni chiqargani quymedila uzlari ish bilan bushamedila nima qisam buladi

  2. Assalomu aleykum birinchi kechada negadur mendan qon chiqmadi agar birinchi kechada qon chiqmasa keyingi aloqalarda qon chiqish extimoli bormi iltimos shuni tuliqroq tushuntirib bering

  3. Assalomu alaykum. Homiladorman. erim bilan yaqinlik qilgandan keyin erimda jinsiy azosida mayda pufakchalar paydo boʻlyapti. Ham, huddi qornim dam boʻlayotgandek boʻladi. Nima qilsam boʻladi iltimos maslahat bering

  4. Assalomu aleykum jinsiy aloqa paytuda menda Juda qattiq ogriq kuzatilyapti qinning ichida.bu nmadan doktorlar menda hech qanday kamchilik yoq deyiwyapti

  5. Assalomu alaykum . Men hoʻjayinim bilan birga boʻlganimda qornimni pas qismida qattiq ogʻriq boʻlib jinsiy aloqadan soʻng qonli ajralma kelyabdi 3-4 tomchi. Nima qilishim kerak qanday yoʻl tutay oldindan raxmat.

  6. ASalom aleykum xojayinim kamanirovkaga ketgani uchun 1-oy aloqada bolmadim.turmush qurganimizga 4-Oy boldi.Aloqaga umuman yol qoyolmayapman achishib kesilganday ogriq bolyapdi.ichida quvuq sohamda emas lablarida tashqisida kirish qismida bu anchadan beri aloqada bomaganimdan deb oyladim.lekin 3-kun boldi kelganlariga haliyam achishyapdi nima qilsam boaldi?

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.

Related Posts
error: Saytdan ma\'lumot ko\'chirish mumkin emas.