Homiladorlikning 41-haftasi

To‘qqiz oy o‘tib bo‘lsa-da, chaqaloq haligacha dunyoga kelmagan va tug‘ruq boshlanmagan bo‘lsa, bu xavotir uchun sabab bo‘la olmaydi. 42-haftadan keyingi homiladorlik muddatidan ko‘p ko‘tarilgan hisoblanadi. Hali ixtiyoringizda ma’lum vaqt bor.

Bola o‘zini qanday his qilmoqda?

U tug‘ilishga tayyor. Barcha organlar va tizimlar yetarlicha rivojlangan va har qanday lahzada o‘z funksiyalarini mustaqil bajarishga kirishishi mumkin. Smazka deyarli to‘liq yo‘qoldi, ammo terining himoyaga muhtoj bo‘lgan eng nozik qismlarida — burmalar va chuqurchalarda qoldi.

Tirnoq va sochlar o‘sishi o‘sha sur’atda davom etmoqda. Ichak peristaltikasi (to‘lqinsimon kerilish yoki siqilish harakatlari) normada, uning ba’zi bo‘limlarida mekoniy to‘plangan.

41-haftada yo‘ldosh qat’iy tarzda qarib boradi, homila va ona organizmini ajratib turgan qobiq tobora yupqalashib, o‘zi orqali katta-katta molekulalarni o‘tkazib yuboradi. Sizning organizmingizdagi antijismlar bolaning qoniga o‘tib, unda sizning immun tizimingiz katta qiyinchiliksiz yenga oladigan kasalliklarga qarshi ilk himoyani hosil qiladi.

Ona o‘zini qanday his qilmoqda?

Organizmda o‘tgan haftadan buyon hech qanday jiddiy o‘zgarish sodir bo‘lmagan. Bu paytda “Bola qachon tug‘iladi?” — degan savol dolzarb bo‘lib qoladi. O‘zingizni ham, bolani ham, tabiatni ham shoshiltirmang. Homiladorlikning 41-haftasidagi tug‘ruq o‘z vaqtidagi hisoblanadi, ushbu muddatda tug‘ilgan bola qorinda uzoq vaqt ko‘tarilgan hisoblanmaydi. Shifokor belgilaydigan tug‘ruq sanasi shunchaki taxminiy bo‘ladi, xolos.

Aniq muddat esa sikl davomiyligi, tuxum hujayraning chiqish va urug‘lanish vaqti kabi qator omillarga bog‘liq bo‘ladi.

Muddatidan ko‘p ko‘tarilgan homiladorlik

Homiladorlik 42-haftadan keyin muddatidan ko‘p ko‘tarilgan deb hisoblanadi. Homila qorinda uzoq qolib ketishiga qog‘onoq suvining keskin kamayib ketishi va shu tufayli tug‘ruq faoliyatining juda sust kechishi, old suvlarning yo‘qligi (yassi qorin), bachadon bo‘ynining yetilmaganligi, mekoniydan ifloslangan suv, bolaning bosh suyagidagi liqildoq va choklarning ensizligi, bola terisining quruqligi kabilar sabab bo‘lishi mumkin.

Agar homilador ayol 30 yoshdan oshgan va birinchi marta tug‘ayotgan bo‘lsa, homilani qorinda qancha uzoqroq vaqt ko‘tarib yurish ehtimoli oshadi.

42-haftadan keyin tug‘ruqni turli usullar bilan qo‘zg‘atishadi.

Davomli homiladorlik

Demak, o‘ninchi oy boshlangan bo‘lsa-da, homiladorligingiz normal holatda ekanligini aniqlashtirib oldik. Bu davrda bolani ko‘tarishda davom etish yoki tug‘ruqni sun’iy ravishda qo‘zg‘atishga rozi bo‘lish — faqat o‘zingizning tanlovingiz.

Nima bo‘lganida ham, ushbu bosqichda yo‘ldoshdagi qon aylanishi yomonlashishi va bolaga oziq moddalar kamroq yetib borishini tushunishingiz lozim. Qaror qabul qilish uchun, homilaning holati va yo‘ldoshdagi qon aylanishini aniqlaydigan qator tekshiruvlardan o‘tish kerak bo‘ladi.

Agar barchasi joyida bo‘lsa, o‘z homiladorligingizni dadil tarzda davom ettiraversangiz bo‘ladi.

Manba: Farzand.uz


Homiladorlik davridagi oʻzgarishlarni kuzatib borish, foydali maslahat va tavsiyalardan koʻproq bahramand boʻlishni istasangiz, homilador ayollar uchun moʻljallangan “Lalu: Homiladorlik kalendari” mobil ilovasini telefoningizga oʻrnatib olishingizni maslahat beramiz.

Bu ilova homiladorlik uchun zarur boʻlgan, homiladorlik kalendari, ratsional ovqatlanish, homilaning oʻlchamlari va embrionning haftalik rivojlanish illyustratsiyalari, Kegel mashqi va boshqa koʻplab muhim imkoniyatlarga ega.

Yuklab olish uchun:
Lalu - Homiladorlik kalendari mobil ilovasi

 


Ushbu mavzu yuzasidan savollaringiz bormi? Unda savollaringizni quyida "Fikr bildirish" qismi orqali yozib qoldiring. Dolzarb va muhim savollarga shifokor ekspertlarimiz javob berishadi.

Добавить комментарий

Ваш адрес email не будет опубликован.

Этот сайт использует Akismet для борьбы со спамом. Узнайте, как обрабатываются ваши данные комментариев.

Related Posts
error: Saytdan ma\'lumot ko\'chirish mumkin emas.