Соғлом оила - соғлом келажак

Anorgazmiya – jinsiy aloqada orgazmni his qilmaslik

Anorgazmiya – jinsiy funksiya buzilishi bo‘lib, bu holat orgazmni his qilmaslik bilan xarakterlanadi. Anorgazmiya ayollarda ko‘p uchraydi. Erkaklarda anorgazmiya kam kuzatiladi va 35 yoshdan keyin rivojlanishi mumkin.

anorgazmiya

Kasallik birlamchi (hech qachon orgazmni his qilmagan) va ikkilamchi (bemor orgazm his qilmay qo‘ygan ya’ni avval orgazm his qilgan, hozirda esa yo‘q). Bundan tashqari quyidagi turlari farqlanadi:

  • Situatsion – orgazm faqat ma’lum bir sharoitlardagina bo‘ladi, shu sharoitlar bo‘lmasa, orgazmni his etmaydi;
  • Koital – orgazm turli usullar bilan erishilishi mumkin, lekin jinsiy aloqa paytida his etmaydi;
  • Nimfomanik – uzoq muddat ta’sirlanganda yuqori qo‘zg‘olishni his etadi, lekin orgazmga erisha olmaydi;
  • Sporadik – jinsiy aloqaning turli shakllarida orgazmga erishiladi, lekin doimo ham emas.

Anorgazmiya sabablari

  • Jinsiy sistemaning tug‘ma nuqsonlari;
  • Jinsiy sistema kasalliklari;
  • Qin devorining cho‘zilishi (tug‘ruqdan keyin) natijasida sezuvchanlikning kamayishi;
  • Jinsiy aloqada og‘riq;
  • Psixologik omillar (jinsiy sherigining qo‘pol harakati, zo‘rlash, jinsiy sherigining salbiy munosabati);
  • Ba’zi bir dori vositalarini uzoq muddat qabul qilish (antidepressantlar, oral kontraseptivlar);
  • Jinsiy sheriklarning jinsiy uquvsizligi.

Anorgazmiya belgilari

  • Jinsiy aloqadan huzur oladi, lekin orgazmni his qilmaydi;
  • Jinsiy yaqinlikda yoqimsiz hissiyotlar bo‘ladi, orgazmni his qilmaydi;
  • Bemorda jinsiy aloqaga qiziqish yo‘q.

Anorgazmiya diagnostikasi

Ushbu kasallikni aniqlash va davolash uchun shifokor-seksolog bemorni umumiy ko‘rik va lozim topilsa, jinsiy sherigini ham ko‘rikka taklif qilishi mumkin. Shuningdek, ginekolog maslahati ham kerak bo‘lishi mumkin.

Anorgazmiya kasalligini davolash

Anorgazmiya kasalligini davolashda gormonal vositalari, antidepressantlar, trankvilizatorlar, vitaminlar, fizioterapevtik muolajalar (elektrostimulyatsiya, gidroterapiya, vibromassaj) kabi vositalardan foydalaniladi.

Anorgazmiya profilaktikasi

  • Siydik chiqarish yo‘llari kasalliklarini o‘z vaqtida davolash;
  • Ginekolog ko‘rigidan doimo o‘tib turish;
  • Jinsiy hayot muammolari bo‘lsa seksologga murojaat qilish.

Ushbu maqolani o‘qishni tavsiya etamiz: Ayol orgazmi yoxud ayolning jinsiy aloqadan lazzatlanishi

ЎҚИНГ:   Jinsiy aloqaga munosabatning pasayishiga ta’sir etuvchi omillar

Телеграмдаги расмий каналимизга аъзо бўлинг!

Аъзо бўлиш

Бош саҳифа » Ensiklopediya » Anorgazmiya – jinsiy aloqada orgazmni his qilmaslik

loading...