Соғлом оила - соғлом келажак

Жинсий алоқадан сўнг дарров ухлаб қоламан. Бу касаллик эмасми?

Аёлим билан жинсий муносабатдан сўнг дарров ухлаб қоламан. Бу бирор дард аломати эмасми?

uyqu erkak

Жинсий яқинлик яъни эр-хотин духулидан сўнг бир пасда ухлаб қолиш айримлар учун меъёр ҳисобланса-да, гоҳо касаллик белгиси ҳам бўлиши мумкин. Меъёрий ҳолат ҳисобланадиган уйқучанликка қуйидагилар ҳам сабаб бўлади:

  1. Эркаклар жинсан фаол ҳисобланадиган туннинг биринчи ярми бугунги кунга келиб болалар томонидан забт этиб улгурилган. Зеро, Ибн Сино жинсий муносабатда йўқотиладиган қувват ўрни тўла қопланиши учун қовушиш туннинг биринчи ярмида бўлсагина тонггача яна тетиклашиб улгуриш мумкинлигини таъкидлаган. Замонамиз болалари эса телевизор, дарс, компютер кабилар баҳонасида ота-оналар яқинлашуви имконини деярли йўққа чиқаришмоқда.
  2. “Тирикчилик қули” бўлган аксари эркаклар руҳий толиқишлар комида қолишган. Уззукун, тун ярмига қадар давом этадиган югур-югурлар эркак қувватининг асл кушандаси ҳисобланади. Қолаверса, айниқса, қовушиш режалаштирилган кунларда ота-боболар асло тарк этишмаган шифобахш кундузги уйқунинг аҳамияти деярли унут бўлиб улгурилди.
  3. Ишдаги зарарли таъсиротлар, озиқланишдаги қусурли жиҳатлар ҳам ўз салбий таъсиротини ўтказиши шубҳасиз.
Юқоридаги ҳолатларда уйқучанликни келтириб чиқараётган сабаблар аниқланиб ўз вақтида бартараф этилса бас, ҳаммаси рисоладагидек бўлади.
Гоҳо уйқучанлик “жинсий ожизлик” белгиси сифатида ҳам юзага чиқиши кузатилади. Аммо бу хил  “жинсий ожизлик”да бошқа қатор аломатлар ҳам пайдо бўлади. Улар сирасига қуйидагилар киради:
  1. Жинсий майл яъни хоҳиш пасайиб эркакнинг қовушишга бефарқроқ бўлиб қолиши кузатилади.
  2. Духул пайтида эркак аъзосининг жунбушга келиши (таранглашуви) бирмунча сусаяди.
  3. Жинсий муносабат вақти ўта қисқа муддат давом этади (айримларда эса аксинча яқинлик пайти кескин узайиб эркакни толиқтирадиган нохуш даражага келиб қолади).
  4. Манийнинг отилиб чиқиш шиддаткорлиги сусаяди ва лаззат ҳисси олдингиларга нисбатан яхши сезилмайди.
  5. Жинсий алоқадан сўнг кескин уйқу тортади ва эркакнинг ўз аёлига қарагиси ҳам келмай қолади ва ўзини мажбурласа-да узоқ вақт такрорий қовушишга ярамайди.
ЎҚИНГ:   Яна кесарча қилишадими?

Агар бу белгилар сезилса, тезда мутахассис шифокорга мурожаат этилиши мақсадга мувофиқ. Уйқучанлик жинсий муносабат пайтида қонга тушадиган биофаол моддалар – гормонларнинг асаб-руҳий тизимдаги таранглашувни йўқотиши билан ҳам боғлиқ бўлади.

Телеграмдаги расмий каналимизга аъзо бўлинг!

Аъзо бўлиш

Бош саҳифа » Андрология » Жинсий алоқадан сўнг дарров ухлаб қоламан. Бу касаллик эмасми?

loading...

Изоҳлар

  1. JONI

    Yoshim 21…er-xotin bir kunda necha marta qovushsa boladi JAVOB UCHUN OLDINDAN RAXMAT

    • Dnk.uz

      Барча текширув ва тажрибалар шуни кўрсатадики, соғлом (яъни эр-хотин ўртасидаги) жинсий алоқанинг қанча вақт ёки неча марталиги эмас, муносабатга киришувчи эр-хотиннинг ўзаро бўлган алоқадан қониқиши муҳим аҳамиятга эга.

  2. nasimhon

    Hotinim homilador chap tomon pochkasi ogriyapti nima qilish kerak javob uchun oldindan rahmat.

  3. Ruqayya

    yahshi ginikolg garmonlani yahshi biladigan doktor kerak edi bolsa tavsiya qilila

Comments are now closed.