Бачадон тушиши хавфли эмасми?

— УТТ таҳлили келинимда бачадон тушиши ҳолатини кўрсатди. Асли ҳомиладорликни режалаштириш учун тиббий кўрикдан ўтаётган эди. Бачадон тушиши мавжуд дейишгач, ўйланиб қолдим, ҳозирча фарзандли бўлишга шошилмагани маъқулмикан?

bachadon tushishi

Гулнора ПЎЛАТОВА, гинеколог:

— Меъёрда бачадон аъзоси тос суяги соҳасида жойлашган бўлади. У бир қатор мушак ва тўқималар билан ушланиб турилади. Бачадон тушиши асосан туғруқ пайти қаттиқ кучаниш оқибатида келиб чиқади. Бунда мушаклар бўшашади ва бачадон жойлашуви ўзгаради.

Ёшга доир ўзгаришлар қаторида эстроген гормонининг камайиши ҳам мушакларни сустлаштиради. Англаганингиздек, бу ҳам бачадон тушишини келтириб чиқариши мумкин.

Булардан ташқари, тос мушакларига зарба берувчи ҳолатлар ҳам бор: булар, ич қотиши, сурункали йўтал, қорин бўшлиғида суюқлик тўпланиши, оғир юк кўтариш, тамаки чекиш кабилардир. Бачадон тушиши келиб чиққанида, тос соҳасида оғриқ, қиндан бирор нима чиқиб турганидек ҳиснинг мавжудлиги, пешоб ажратиш вақти ноқулайлик кузатилади. Муолажа гинеколог шифокор томонидан олиб борилиб, бачадон тушиши даражасига кўра белгиланади. Енгил бачадон тушишида гимнастика, эстроген шамчалар ва оғир жисмоний юкламалардан сақланиш буюрилади. Агар бачадон тушишининг иккинчи ва учинчи даражалари аниқланса, бунда тезкор даво чоралари қўлланилади.

Манба: «Даракчи» газетаси.

Ushbu mavzu yuzasidan savollaringiz bormi? Unda savollaringizni quyida "Fikr bildirish" qismi orqali yozib qoldiring. Dolzarb va muhim savollarga shifokor ekspertlarimiz javob berishadi.

1 comment
  1. Manga xali aniq diagnoz qoyisholmadi poliklinikamizdagi ginikolog matka pastga tushgan dsa onkoginikolog pastga tushmagan didi. Lekin ozim xali bilmiman ostimda avvaliga nimadir chiqqanday bolgandi endi esa qandaydir gowtga oxwagan narsa chiqqan bir bir ostimga qarab tegib korsam u borgan sari wiwib yumshoq bolib qolhapti u nima bolishi mumkun

Fikr bildirish

Email manzilingiz chop etilmaydi. Majburiy bandlar * bilan belgilangan

This site uses Akismet to reduce spam. Learn how your comment data is processed.

Related Posts